Jean Paul Gaultier
Jean
Paul Gaultier 1976-cı ildə Jean
Paul Gaultier tərəfindən yaradılmış fransız markasıdır. Uşaqlıqdan nənəsi ilə
çox vaxt keçirən Jean-Paul yaşıdlarından fərqli olaraq, dəbə və qadın geyim tərzinə
maraq göstərir. Məktəbə və oxumağa maraq göstərməyən Jean-Paul daha çox rəsm,
eskiz çəkməyə həvəs edir. Jurnallara və redaksiyalara eskiz göndərən dizayner,
geyim eskizlərini həmçinin Pierre Cardin-ə göndərir. Eskizlər Cardin-in diqqətini
çəkir, və gənc dizayner köməkçi qismində işə dəvət olunur.
Dəb
sektorunda fəaliyyət göstərməsi ilə təcrübə qazanan dizayner 1976-cı ildə Francis Menuge ilə birlikdə şəxsi
brendini təsis edir. İlk kolleksiyaya vəsait olmadığından dizayner
kolleksiyadakı geyimləri salfetka, batareya və bijuteriyalardan hazırlayır.
Onun bu addımı maraqla qarşılansa da kütləvi etinasızlığa, istehzaya səbəb
olur. Ruhdan düşməyən dizaynerin 3 il sonra yapon firmasının sifarişi ilə
“James Bond” adlı kolleksiyayası isə əksinə modelyerə böyük uğur gətirir.
Musiqi alətlərinin başa taxılan aksessuar kimi, konserv qablarının qolbaq kimi
təqdim etməsi publikanı həyəcanlandırır. Modelyer sərgilər üçün qeyri-standart
modeller və məkanlar - boks zalları, həbsxana və s. fərqli məkanlar seçməsi ona
və sərgisinə böyük maraq yaradır. Dəb aləminin «enfant
terrible» - dəcəl, problemli uşaq ləqəbini alan dizayner dünya ulduzlarının da
diqqətini çəkir.
Dizayner 1999-cu ildə şirkətin 35% Hermes şirkətinə satır. Hazırda həm
öz markası, həm də Hermes brendi ilə işləyən dizayner yeni kolleksiyalar
yaratmağa davam edir.
